Actividades desenroladas ao abeiro do proxecto

• Elaboración e seguimento dos plans de co-xestión de recursos mariños:
  • Plan de Percebe Mixto (a pé e a flote)
  • Plan Solénidos Conxunto Muxía e Camariñas
  • Plan de Ourizo Zona VI
  • Plan Poliqueto Mixto (a pé e a flote)
• Optimización e seguimento da Xestión dos recursos Mariños:
  • Análise dos descritores definidos na Directiva Marco sobre estratexia mariña.
  • Cartografado dos hábitats e especies, especialmente das exóticas e invasoras, con presenza significativa no contexto desta Confraría.
  • Seguimento dos Indicadores de abundancia e da composición específica das capturas e da súa estrutura e tamaños. Os traballos consisten no tratamento de datos recollidos (por medios informáticos) a través de mostraxes realizadas e de controis de talles realizadas en cada banco Marisqueiro.
• Avaliación do estado de Conservación e da Biodiversidade: Nas zonas da Rede Natura 2000, nas zonas mariñas protexidas e nos hábitats costeiros de importancia para os organismos mariños.
• Contribución á vixilancia epidemiolóxica: Envío periódico de mostras biolóxicas para o seu análise polo INTECMAR. As mostras enviadas contribúen ó coñecemento do estado sanitario das augas e das especies marisqueiras.
• Formación e asesoramento dos mariscadores: Orientada a adquirir novas competencias vinculadas a unha mellor xestión e conservación dos recursos mariños vivos e dos ecosistemas que os sosteñen.
• Tramitación de aperturas e peches mensuais: Determinación da CPUE e envío de datos á Consellería do Mar.
• Operacións de salvagarda do Medio Mariño e das súas especies: Levadas a cabo establecendo condicións de acceso ás zonas de pesca. O servizo de Garda Pesca realiza tarefas de supervisión e control de cupos, zonas, tallas e furtivismo.
  • Cada un dos efectivos portará un sistema de Xeolocalización portátil. Os rexistros deste dispositivo estarán á disposición da Consellería do Mar.
  • O persoal de vixilancia actúa baixo a supervisión do Servizo de Garda Costas de Galicia e en colaboración con eles, remitíndolle os datos e informes que lle sexan requiridos.
  • Con antelación suficiente, os vixilantes deben trasladar ao Servizo de Garda-Costas a programación das actividades, e coa mesma periodicidade elaborar un informe das actividades realizadas.